TANGKHUL LAA LYRICS

Zakmaina ngatei ngarok haokida
Kaphaningla ngatei ngarokhao
Iwui ningna ningkachangchi ana mamaya
Ana kahang saikorachi iwuivang chothao
Thangthang kaphaning ngachei mamanda
Echicha rasa phangarokhao

CHORUS
Nurngaharda zat kahaina
Maleikashi wuivang maning nali
Nala phaning ungda leira iwui leikashi

Ithum otpam ngatei ngarok serra
Kasa khavala mangarai cha
Cha kapaila leisalapaida ina phaninga
Ina kahang saikorachi awuivang rithao
Khayei-ung khayeiva masapaitha
Chinakho ini rasa kakai

[CHORUS]

Shimkhurna ili ngateida hanga
Shimkhurtui makhuisa masapai
Kha nanava ning kateonada ili khui
Ning kateona chirankha khangpam shaprala?
Inili makhayar nada khuisa
Nawui khayonva khikha malei

[CHORUS]